اسلام آباد ۔ 8 اکتوبر (اے پی پی) د جموں وکشمیر په اړه د وزيراعظم محمد نواز شريف خاص استازي سناتور مشاهد حسېن سيد په امريكا زور راوړے چې د كشمير مسئلې كومه چې نړيوال امن له خطر جوړېدې شي حل كښې مرسته وكړي۔د نړيوالې ورورولۍ لخوا مقبوضه كشمير كښې د هندي زور ٬ ظلم او زياتي څخه سترګې پټولو سره د سيمې امن سخت خطر سره مخ كېدې شي۔ داخبرې ده د خالي په ورځ واشنګټن كښې د امريكائي اولس مشر براك اوباما خاص سلاحكار پيټر ليوائے سره ملاقات كښې وكړې۔ په دې مهال ډاكټر شذره منصب هم ده سره وه۔ سناتور مشاهد حسېن سيد پیټرلیوائے د هندي زور ٬ ظلم او زياتي په سوب سيمه كښې د سلامتيا او بشري حقونو ناوړه وضعې څخه خبر كړو۔ده ووئيل د هند او پاكستان ترمينځه كړكېچن صورتحال د ترهه ګرۍ په ضد په روان جنګ بد اغېز كولے شي۔ ده ووئيل د كشمير مسئلې حل نه ځانله سيمه كښې د اوږدې مودې امن په ځائې كېدل ممكن نه دي۔ واشنګټن كښې خبريالانو سره خبرو كښې ده ووئيل ما په امريكا زور راوړو چې د كشمير مسئلې حل كښې مرسته وكړي ولې چې د دې په سوب نړيوال امن خطر سره مخ كېدې شي۔ د وزيراعظم خاص استازي د ترهه ګرۍ ملاتړ په اړه په پاكستان لګېدلي تورونه رد كولو سره ووئيل په لائن آف کنټرل د هندي انتظاماتو په سوب دا ممكن نه ده چې كوم انسان دغه ځائې څخه تېر شي۔ د دې برعكس هند د كشميري اولس په ضد د رياستي ترهه ګرۍ لړۍ پېل كړې ده۔
