اسلام آباد ۔ 14 اکتوبر (اے پی پی) د خزانې وزارت وياند د’’اېمرجنګ مارکېټس‘‘د خزانې وزير اسحاق ډار له د ايوارډ وركولو په اړه د ځينو كسانو لخوا د ناوړه مقاصدو لپاره د حقائقو په مسح كولو د خفګان څرګندونې كولو سره سپيناوې كړې چې د نورو هېوادونو د خزانې وزيرانو له هم تېرو كلونو كښې دا ايوارډ وركړې شوې دي ۔ وياند د جمعې په ورځ دا خبره په ډاګه كړه چې اېمرجنګ ماركيټس يو فنانشل ټرېډ ورځپاڼه ده كومه چې د نړيوال بانك او آئي اېم اېف كلنو غونډو په مهال شائع كيږي او هر كال د مركزي بانك ګورنر او د خزانې وزير له ايوارډ وركوي۔ وياند ووئېل په 4 اکتوبر د ورځپاڼې لخوا ترلاسه شوي اي مېل كښې دا په ښكاره توګه وئيلي شوي چې مونږ په ډېره خوشحالۍ اطلاع دركوؤ چې د آئي اېم اېف/نړيوال بانك ورځپاڼې اېمرجنګ مارکیټس د سوئيلي آسيا لپاره د خزانې وزير اسحاق ډار له د كال د خزانې تر ټولو غوره وزير ايوارډ وركولو اعلان كړې۔ ده ووئېل د خزانې وزير غېر موجودګۍ په سوب واشنګټن كښې د پاكستان سفير جليل عباس جېلاني د اكتوبر په 8مه نېټه دا ايوارډ يوه دستوره كښې ترلاسه كړے ؤ۔
