وزيراعظم به (نن) د عمومي اسمبلۍ غونډې ته خپله وېنا كښې هم د كشمير كشاله رامخې ته كوي۔ د خارجه سېكتر اعزاز احمد چوهدري د پاکستان خبريالانو ته بريفنګ

ملګري ملتونه 0 ستمبر (اے پي پي) محمد نواز شریف د نړۍ مهمو مشرانو سره ملاقاتونه كړي او ھغوي ئې د هند په تسلط كښې د مقبوضه كشمير د اولس د ستونزو او آزادۍ لپاره د هغوي د هڅو نه خبر كړي۔ د پاكستان خارجه سېكتر اعزاز احمد چوهدري د پاكستان خبريالانو ته د بريفنګ په مهال ووئيل چې وزیراعظم محمد نواز شریف د امریکې خارجه وزير جان كېري ٬ د برتانيې وزيراعظمې تهري سامې ٬د سعودي نائب وزيراعظم محمد بن نائف بن عبدالعزیز السعود او د نیوزي لېنډ وزیراعظم جان کی سره د ملګرو ملتونو د عمومي اسمبلۍ د 71مې غونډې په مهال ملاقاتونه كړي دي او د كشميري اولس د هېلو او خواهشاتو ترجماني كولو سره ئې دوي ته د كشميري اولس د هلو ځلو پحقله وئيلې دي۔ د خبريالانو د پوښتنو په ځواب كښې خارجه سېكتر ووئيل چې نړيوالو لارښودو سره د ملاقاتونو په مهال وزيراعظم د كشمير په كشالې ته بشپړ پام كړے او په نړيواله ورورولۍ ئې زور رواړې چې ھغوي دې كشميريانو سره انصاف وكړي او د ملګرو ملتونو د قراردادونو له مخې دې د كشمريانو د خپلواكۍ حق په ترلاسه كولو كښې د ھغوې مرسته وكړې ۔ وزیراعظم په مقبوضه سيمه كښې د بشري حقونو د خلاف ورزيو په خاتمه هم ټېنګار كړې۔ ده ووئيل چې وزيراعظم به (نن) د شورو په ورځ د عمومي اسمبلۍ غونډې ته خپله وېنا كښې هم د كشمير كشاله رامخې ته كوي۔