نيويارك 12 ستمبر (اے پي پي)وزيراعظم محمد نواز شريف د ملګرو ملتونو سلامتي كونسل د قراردادونو ترمخه د كشمير مسئلې هواري او كشميريانو له د حق خود اراديت وركولو ملاتړ پخلي كولو سره مقبوضه كشمير كښې د ملګرو ملتونو خپلواكه فيكټ فائنډنګ مشن د هندي عسكرو د ظلمونو پلټنو او په دغه ظلمونو كښې ككړو كسانو له د سزا وركولو غوښتنه كړی ده ۔ده ووئيل د كشمير ټول سياسي بنديوان دي سمدستي خوشې كړې شي٬كرفيو دې ختمه كړی شي٬د ژوبل كسانو لپاره دې طبي مرسته وركړې شي او د هند تور قوانين دې منسوخ كړی شي۔د دې خيالاتو څرګندونه ده د شورو په ورځ د ملګرو ملتونو عمومي اسمبلۍ 71مې غونډې ته خپل خطاب كښې وكړه۔وزيراعظم وئيل پاكستان هند په امن اوسېدل غواړي٬مونږ دې مقصد ترلاسه كولو له يو ځل بيا هند ته د خبرو اترو وړاندېز كوو٬دغسې چې ټولې مسئلې هوارې كړې شي خو هند خبرو اترو له د نه قبلولو وړ شرطونه د وړاندې نه اېښودي دي ۔ده ووئيل بايد مونږ ته دا معلومه شي چې خبرې اترې يوازې د پاكستان لپاره ګټورې نه بلكې د دواړو هېوادونو لپاره ګټھ ورې دي۔وزيراعظم ووئيل د هند او پاكستان ترمينځه امن او د معمول اړيكې د كشمير شخړی هوارولو نه غېر ممكنه نه دي۔ده ووئيل پاكستان د كشميريانو د حق خود اراديت د غوښتنې بشپړه كوي٬د كومې لوظ چې د هغوي سره سلامتي كونسل په خپلو قراردادونو كښې كړے۔وزيراعظم ووئيل نړيوال قانون او د ملګرو ملتونو د حق خود ارادايت اعلاميه كشميريانو ته د خپلې آزادۍ لپاره د هلوځلو حق وركوي٬هر كال عمومي اسمبلي په اتفاق دا قرارداد منظوروي چې پكښې ټولو وګړيو لپاره د حق خود اراديت وركولو پخلې كېږي او په اړوندو رياستونو زور راوړلې كېږي چې په سمدستي توګه خپله قبضه ختمه كړي او هر ډول ظلمونه بند كړي۔ده ووئيل د پاكستان او هند ترمينځه د معمول اړيكې د كشمير مسئلې هواري نه غېر ممكنه نه دي۔ده ووئيل د كشميريانو نوې نسل د هند ناجائز تسلط په ضد ودرېدلې او هغوي د هند د قبضې څخه د آزادۍ غوښتنه كوي۔ وزيراعظم د هند د لاسه شهيد شوي برهان واني د كشميريانو لپاره مثال ګرځېدلې۔وزيراعظم ووئيل په كشمير كښې 100 څخه زيات وګړي شهيدان كړی شوي دغسې ګڼ كسان فيلټ ټوپك د لارې په نښه كړې شو او هغوي ړانده كړی شوي۔د تېرو دوو مياشتو په مهال شپږ زره څخه زيات وګړي ژوبل كړې شوي۔ده ووئيل د هند دا ظلمونه دستاويزي شكل كښې موجود دي ٬ پاكستان به ملګرو ملتونو ته د هند د اړخه د بشري حقونو د خلاف ورزيو ثبوت وركړي۔وزيراعظم ووئيل د ملګرو ملتونو يو فېكټ فائنډنګ كمېسون دې جوړ كړی شي كوم چې مقبوضه كشمير ته لاړ شي او د هندي عسكرو د ظلمونو جاج واخلي۔ ده غوښتنه وكړه سلامتي كونسل دې د مقبوضه كشمير وګړيو لپاره د آزادۍ حق خود ارادايت لپاره په خپلو قراردادونو عملدرآمد وكړي۔ وزيراعظم ووئېل هندي عسكر د بې ګناه كشميريانو په ضد پېلټ ګن كاروي٬هندي عسكرو 100 څخه زيات كشميريان شهيدان كړي۔ ده ووئېل پاكستان د كشميريانو د حق خود اراديت بشپړه مرسته كوي٬بايد د كشمير مسئله د ملګرو ملتونو قراردادونو ترمخه هواره كړې شي٬ملګرو ملتونو كشميريانو له دا حق وركړې۔ ده ووئېل په مقبوضه كشمير كښې مشران٬مېرمنې او ماشومان د سترګو څخه محرومه كړي شوي ٬ وزيراعظم ووئېل مقبوضه كشمير كښې د هند تورو قوانينو غندنه كوو۔كشميري اولس د ملګرو ملتونو په قراردادونو عملدرآمد له 70 كاله انتظار كړې٬نړيواله ورورولي دې هند ته د مقبوضه كشمير څخه د عسكرو ويستلو لپاره اووئي ۔ وزيراعظم ووئيل دې ظلمونو سره د كشميريانو جذبې ته زيان نه شي رسېدې بلكې د دې په نتيجه كښې د كشمير څخه د هند تسلط ختمولو له د هغوي خشم او عزم نور هم زياتيږي ۔ده ووئيل د سرينګر نه تر سوپور هره ورځ د كرفيو په ضد وګړي آزادۍ غواړي۔ وزيراعظم محمد نواز شريف ووئيل هند ته د ټولو شخړو هواري له يو ځل بيا د خبرو اترو بلنه وركوو٬ترهه ګري نړيواله مسئله ده بايد د ترهه ګرۍ په ضد شريكې هڅې وكړی شي٬ ده ووئېل د انصاف نه غېر په نړۍ كښې امن نه شي راتللې٬پاكستان تر ټولو زيات د ترهه ګرۍ ښكار دے ۔ ده ووئيل نړيوالې ورورولۍ هم منلې چې افغانستان كښې امن د روغې جوړې د لارې ممكن دے٬د پاكستان وسله والو ځواكونو د ترهه ګرۍ په ضد ځانګړې قربانۍ وركړي۔وزيراعظم ووئيل پاكستان پخپله سيمه كښې ستراتېژېكي استحكام راوستلو له لوظي دے مونږ هند سره نه د وسلو زغل غواړو او نه په دې كښې شامل يو خو بيا هم مونږ د خپلو ګاونډيانو د اړه په لويه توګه د وسلو زياتول نظرانداز كولې نه شوو او مونږ خپل د لږ نه لږ ډيټرنس په ځاې ساتلو له ټول ضروري ګامونه پورته كوو٬وزيراعظم ووئيل مونږ د هند سره په كوم هم شكل كښې او د كوم شرط نه غېر د تحمل او ذمه وارۍ سره په ټولو اقداماتو خبرو اترو له چمتو يو۔مونږ په جوهري تجربو د بندېز دوه اړخيزه لوظ نامه متفق كېدو له خبرو اترو له چمتو يو۔وزيراعظم د دې عزم څرګندونه وكړه چې د جوهري وسلې لرلو سره او د يو ذمه واره رياست په حېث پاكستان د وسلې تحفيف او اتومي عدم پهلاو چېنلجونو حل له به د ټولو نړيوالو هڅو مرسته روانه ساتې۔ده ووئيل پاكستان د معروضي معيار په بنياد د كوم فرق نه غېر د نيوكليئرز سپلائرز ډلې ركنيت له په بشپړه توګه اهل دے۔وزيراعظم د ترهه ګرۍ په ضد جنګ كښې د پاكستان د كاميابيو ذكر كولو سره ووئيل اقتصادي پرمختګ زمونږ نه د ترجيحي منزل كورني امن او استحكام له تقاضا كوي٬زمونږ هېواد د ترهه كرۍ ښكار دے٬زمونږ په هېواد كښې بهر هېوادونه د ترهه ګرۍ ملاتړ كوي۔ده ووئيل مونږ به چا ته هم د ترهه ګرۍ او په پاكستان كښې داړي ګړي پیدا كولو لپاره د عدم او استحكام د دړكو اجازه ورنه كړو٬ زموڼږ وګړو او امنيتي اهلكارو پھ دې جنګ كښې قربانۍوركري٬مونږ د ترهه ګرۍ لعنت ختمولو له لوظي يو۔ د ضرب عضب عملياتو حواله وركولو سره وزيرعظم ووئيل په دې جنګ كښې مونږ دوه لكه امنيتي اهلكار په ځائ كړي او زمونږ د كوټلي نېشنل ايكشن پلان ښې نتيجې هم رامخې ته كېږي۔ده ووئيل زمونږ نېشنل ايكشن پلان ته زمونږ د اولس او پارلمان سره سره زمونږ د امنيتي ځواكونو مرسته ترلاسه ده۔ ده ووئيل د پاكستان وسله والو ځواكونو د ترهه ګرۍ په ضد كاميابۍ ترلاسه كړي٬ ده ووئېل د ترهه ګرۍ مخ نيوي له د پورته كړی شويو ګامونو مثبتې نتيجې رامخې ته شوي٬ضرب عضب عمليات د ترهه ګرۍ په ضد تر ټولو لويې كمپائن دے۔ده ووئيل ترهه ګري اوس يو نړيوال لعنت دے۔وزيراعظم نواز شريف پھ دې خبره زور راوړو چې مونږ د ترهه ګرۍ او انتهاخوښۍ په ضد جنګ كښې تر هغه وخته كاميابي نه شو ترلاسه كولې تر څو چې مونږ د دې بنيادي اسباب لرې كړې نه وي۔وزيراعظم د سيمه ايزې وضعې ذكر كولو سره ووئيل افغانستان كښې د روان جنګ 15 كاله پس نړيواله ورورولي دا ووائې چې هېواد كښې د امن يوازنۍ لار كابل كښې حكومت او افغان طالبانو ترمينځه خبرې اترې دي۔ده ووئيل د افغانستان د مسئلې حل پوځي نه دے٬افغانستان كښې د شخړو او بدامنۍ اثرات په پاكستان هم مرتب كېږي۔ده ووئيل پاكستان د 30 لكه افغان كډوالو كوربتوب كوي او دغه كډوال اوس هم پاكستان كښې موجود دي٬مونږ په عزت سره د افغان كډوالو خپل هېواد ته د ستنېدو خوښي لروده ووئيل نړيوالې ورورولۍ هم منلې چې افغانستان كښې امن د روغې جوړې د لارې ممكن دے۔ده ووئيل د لويو قواؤ ترمينځه سيالي په اختلاف بدلېږي٬په نړۍ كښې غريبي او مسئلې زياتېږي۔ وزيراعظم ووئېل د پرمختګ سره نړۍ كښې غريبي هم شته۔وزيراعظم ووئيل زمونږ د حكومت په دريو كلونو كښې معاشي ښه والې راغلې۔د خپل خطاب په آخر وزيراعظم په دې خبره زور راوړو چې د ټولو شخړو ختمولو٬ د امن ودې٬د ترههګرۍ په ضد جنګ٬دجمهوريت استحكام٬د بشري حقونو ودې٬نړيوال پرمختګ او په ماحولياتي چېلجونو قابو موندلو له پاكستان يو مهمه برخه لرونكې هېواد دے٬مونږ يوازې د ملګرو ملتونو د لارې او د هغې د چارټرډ په اصولو په سختۍ عمل كولو سره دغه ټول اهداف ترلاسه كولې شو او يو نوې او امن ناكه نړيوال نظام جوړولې شو۔