د آړي بريد د كشميريانو غبرګون كېدې شي بايد پاكستان او هند د كشمير مسئلې هواري له خبرې وكړي

اسلام آباد 23 ستمبر (اے پي پي)وزيراعظم محمد نواز شريف وئېلي دي آړي بريد د كشميريانو غبرګون كېدې شي بايد پاكستان او هند د كشمير مسئلې هواري له خبرې اترې وكړي٬عمومي اسمبلۍ كښې د كشمير مقدمه پھ مناسب ډول پورته كړې شوي هيله ده چې پھ اسلام آباد كښې كېدونكې سارك مشرانو غونډه كښې به د ټولو هېوادونو مشران ګډون وكړي٬سي پېك پروژه دې لوے څښتن د بد نظره وساتي٬د مسلم ليګ(ن)كارمندان به د تحريك انصاف پھ دهرنا كښې خنډان نه راولاړوي٬د مسلم ليګ(ن)كارمندان د ګوند په سپارښتنه بشپړه عمل كوي٬هند د خپلو ظلمونو خبره نه كوي بلكې تورونه لګوي٬د آزاد كشمير پرمختيائي بجټ به زياتولې شي٬د آړي بريد نه پس په پاكستان تورونه لګول سم نه دي۔ده د جمعې په ورځ لندن ته په تګ په لوټن هوائي مېدان خبريالانو سره خبرې كولې۔وزيراعظم ووئيل پاكستان په هر فورمز ذمه واره كردار ترسره كوي٬مونږ د جمهوري رواياتو عالمبردار يو٬ ده ووئېل زرداري د خپل حكومت مودې تر سره كولو نه پس په عزت او احترام اقتدار منتقل كړے او تللې مونږ هم د هغه حكومت غېر مستحكم كړے نه دے٬ وزيراعظم ووئېل مونږ پھ دې خوشحاله يو چې د سياسي ګوندونو ترمينځه خبرې اترې روانې وي۔وزيراعظم ووئيل مونږ نن هم د ټولو سياسي ګوندونو سره په ګډه روان يو۔وزيراعظم ووئيل مقوضه كشمير كښې د هندي ظلمونو سره د كشميريانو زړونه غم جن شوي٬ګڼ كشميريان به تشدد ژوبل شوي٬ 150 څخه زيات كسان ړانده شوي۔وزيراعظم ووئيل هيله لرو چې نومبر كښې اسلام آباد كښې كېدونكې سارك مشرانو كنفرنس كښې به ټول مشران ګډون وكړي۔وزيراعظم ووئيل هند او پاكستان ترمينځه چې كله هم خبرې اترې شوي نو پھ كشمير خبرې شوي۔د يوې پوښتنې په ځواب ده ووئيل سي پېك پروژه دې لويې څښتن د بد نظره وساتي٬ ده ووئېل بلوچستان د سي پېك پروژې مركز دے٬بلوچستان كښې به د سړكونو جال غزولې شوي۔جديد ګوادر هوائي مېدان جوړېږي او دلته به جديد پوهنتونونه هم جوړولې شي۔ ده ووئېل تېر وخت كښې كوم هم حكومت بلوچستان ته دومره پام لرنه نه ده كړې۔ده ووئيل ګوادر به خنجراب سره تړلې شي۔ده ووئيل په آزاد كشمير كښې د تعليم شرح د هېواد نورو برخو څخه ښه ده او دلته به پوهنتون جوړولې شي۔د آزاد كشمير حكومت سره په پرمختيائي پروژو خبره شوې٬زر تر زره به كشمير له مهمې پريكړې كوم۔وزيراعظم ووئيل ځينې خلق د بلوچستان پرمختګ نه غواړي۔ده ووئيل مونږ د كشمير په مسئله ذمه واره كردار ترسره كړې۔وزيراعظم ووئيل يوه پوهه ذهن دا خبره نه مني چې دې خوا بريد وشو او اخوا په پاكستان تور ولګولې شو بايد وړاندې پلټنې شوې وې او په مقبوضه كشمير كښې د شهيدانو د شهادت پلټنې هم وكړې شي۔ده ووئيل د كشمير مسئلې هواري نه غېر سيمه كښې امن نه شي راتللې بايد پاكستان او هند د كشمير مسئلې هواري له خبرې وكړي