520 پاكستانيانو ته د كمپنيو لخوا د تنخا نه وركولو شكايت ترلاسه شوي دي

اسلام آباد ۔ 03 اګست(اے پی پی) وفاقی وزیر جنرل (ر) عبدالقادر بلوچ وئيلي دي سعودي عربستان كښې د ګېر پاكستانيانو معامله د جدي ډول ده۔ 520 پاكستانيانو ته د كمپنيو لخوا د تنخا نه وركولو شكايت ترلاسه شوي دي۔ د لوظنامې خلاف ورزي كوؤنكو كمپنيو په ضد به پلټنې كولې شي۔ سعودي كمپنۍ اوجر هېواد ته بېرته راتګ كښې خوښي لرونكو ته ټكټ او اقامه ټرانسفر كولو كښې د مرستې پېشكش كړې۔ د شورؤ په ورځ د قامي اسمبلۍ غونډه كښې د عامر علي خان مګسي سعودي عربستان كښې د ګېر پاكستاني وګړو په اړه د پام ګرځونې نوتس په ځواب كښې وفاقي وزير جنرال (ر) عبد القادر بلوچ دا يوه جدي نوعيت مسئله ده۔ دا مهال د 20 لكھه څخه زيات پاكستانيان سعودي عربستان كښې كار كوي۔ په دوئي كښې د 520 داسې كسانو شكايت ترلاسه شوې چې كمپنۍ دوئي ته تنخا نه وركوي۔ ده ووئيل د سمندرې پورې پاكسانيانو وزارت به د لوظنامې خلاف ورزي كوؤنكو كمپنيو په ضد پلټنې كوي۔د يوې بلې پوښتنې په ځواب وفاقي وزير ووئيل د سعودی کمپنۍ اوجر ځپليو شمېره 8 زره ده۔ د دې كمپنۍ جي اېم سره تماس نيولې شوې۔ كمپنۍ وئيلي چې كوم كسان بېرته هېواد ته راتلل غواړي نو كمپني به دوئي ته ټكټ وركړي او څوك ځې اقام ټرانسفر كول غواړي كمپني به د هغوي هم مرسته كوي۔ د يوې بلې پوښتنې په ځواب كښې ده ووئيل په دې معامله به خارجه وزارت سره خبره كولې شي۔ او غړو ته د خارجه وزارت لخوا د بريفېنګ انتظام به هم كولې شي۔ دوهم سپيكر هدايت وكړو چې ټولو اړوند غړو ته بايد د خارجه وزارت لخوا بريفېنګ وركړے شي او پارلمان ته دې په دې اړه يوه اونۍ كښې بشپړ راپور وړاندې كړې شي۔ كه خارجه وزارت لخوا غفلت ثابت شو نو د پارلمان لخوا به سخت ګام پورته كولې شي۔ وفاقي وزير ووئيل مونږ نه غواړو چې پاكستاني وګړو سره د غلامانو شان سلوك وكړے شي۔ سعودي حكومت د ځپلې پاكستاني وګړو مسئلو حل له يو كروړ ريال بېل كړي دي۔ د يوې بلې پوښتنې په ځواب ده ووئيل د 12 لاکهه پاكستاني وركرانو د بېرته راتلو اطلاع مونږ سره نشة۔ جېلونو كښې بنديوان پاكستانيانو سره به هم قانوني مرسته كولې شي