د وزيراعظم د قامي تاريخي او ادبي ورثې سلاحكار عرفان صديقي د نېشنل بك فاؤنډېشن تر سېوري لاندې د ‘سمر کتاب کلب’ پرانستې دستورې ته وېنا او ميډيا سره خبرې

اسلام آباد ۔ 20 جولائی (اے پی پی) د وزيراعظم د قامي تاريخي او ادبي ورثې سلاحكار عرفان صديقي وئيلي دي نړيواله ورورولي دې دوه مخيزې پالېسي پرېدې او د بشري حقونو په خلاف ورزۍ كولو دې د هند مواخذه وكړي او د كشميريانو سره د آزادۍ د حق خپله وعده دې وپالي۔ د ملګرو ملتونو قراردادونه عملي كول د هر غړي هېواد قانوني ٬ سفارتي او اخلاقي ذمه واري ده۔ ده د نېشنل بك فاؤنډېشن تر سېوري لاندې د ‘سمر کتاب کلب’ پرانستې دستورې ته خطاب او وروستو ميډيا سره خبرې كولې۔ په دې مهال نوموړے سماجي لارښود ډاكټر جمال ناصر او د اېن بي اېف اېم ډي ډاكټر انعام الحق جاوېد هم موجود وؤ۔ دستوره كښې د كشمير شهيدانو له دعا هم وغوښتلې شوه۔ عرفان صدیقی ووئيل كشميريانو په خپله مړانه ٬ استقامت او قربانيو دا ثابته كړې چی ټوپك او بربريت د آزادۍ جذبه لرونكې قام مخه نشي نيولې ۔ ده ووئيل د وزیراعظم نواز شریف د اعلان ترمخه ننۍ ورځ مونږ د تورې ورځې په توګه لمانځلو او نړۍ ته دا پېغام وركوؤ چې پاكستان به د كشميري اولس جائز ٬ قانوني او د دوئي د بشري حقونو سياسي ٬ سفارتي او اخلاقي مرسته روانه ساتي۔ د برهان وانی په شمول د زرګونو شهيدانو وينې د هند د سېكولرازم او د جمهوريت ادعاګانې په ډاګه كړي۔ دې څخه وړاندې عرفان صديقي نېشنل بک فاؤنډېشن كښې كوچنيانو كښې د لوستې رجحان زياتولو له د ‘سمر بک کلب’ راجوړول وستائل۔ ده ووئيل د نوې ټېكنالوجۍ منفي اثراتو څخه نوې كول بچ كول ٬ د دوئي پام د كتابونو لوستو پلو راګرځول او د دوئي تعميري صلاحيتونه څرګندولو له غوره تګلار جوړولو ته اړتيا ده۔ په دې لړ كښې مور پلار او استاذان غوره كردار ترسره كولې شي۔ده كوچنيانو له انعامونه هم وركړه