اسلام آباد 24 جون (اے پی پی) په ضرب عضب عملياتو كښې د شمالي وزيرستان د ځپليو بې كوره شويو د ستنېدو لړۍ روانه ده٬ تراوسه 49 زره 743 كورنۍ خپلو سيمو ته رسېدلې دي۔ بېرته تلونكو كورنيو ته 25 زره روپۍ د اے ټي اېم كارډ د لارې او 10 زره روپۍ د ټرانسپورټ په مد كښې ادا كړی شوې دي۔ د فاټا ډيزاسټر منيجمنټ اتهارټۍ له مخې د پاك پوځ لخوا د ترهه ګرو پھ ضد روانو ضرب عضب عملياتو كښې د ځپلي شويو شمالي وزيرستان بې كوره شويو كسانو آئي ډي پيز د ستنېدو لړۍ روانه ده٬ تراوسه 49 زره 743 كورنۍ خپلو سيمو ته رسېدلې دي او 54 زره كورنۍ لا پاتې دي۔ د چارواكو له مخې بېرته تلونكو كسانو ته 25 زره روپۍ د زونګ موبائل سم د لارې ادا كړی شوې دي۔ بېرته تلونكو كورنيو ته د ورلډ فوډ پروګرام د لارې د 6 مياشتو وړيا راشن٬كمبلې او خيمې وركړې شوې دي۔ د چارواكو له مخې د شمالي وزيرستان ټول بې كوره شوي كسان به تر دسمبر 2016 خپلو سيمو ته لاړ شي۔
