اسلام آباد ۔ 14 جون(اے پی پی) د اطلاعات او خپرونو وفاقي وزير سناتور پروېز رشيد وئيلي دي منطقه كښې د پوخ امن او استحكام لپاره به د كشمير كشاله هوارول وي۔ وزیراعظم محمد نوازشریف به پخپل تدبر او زيركتيا سره د كشميريانو مسئلې حل كړي۔ د كشمير كشاله بايد د ملګرو ملتونو د قراردادونو او د كشميريانو د هيلو ترمخه هواره كړې شي۔ كشميري اولس د هندۍ قبضې په ضد آزادۍ له ځانګړۍ قربانۍ وركړې دي۔ د دې خيالاتو څرګندونه وفاقي وزير د نهې په ورځ د حريت كانفرنس پلاوي سره خبرو كښې وكړه۔ وفاقي وزير ووئيل وزیراعظم محمد نوازشریف د ملګرو ملتونو په شمول د نړۍ په ټولو فورمونو د كشمير كشاله پورته كړې۔ او كشميري اولس سره د كړو وعدو په اړه ئې نړيوالې ورورولۍ له د خپلې ذمه وارۍ احساس وركړې۔ ده ووئيل وزیراعظم محمد نوازشریف به پخپل تدبر او زيركتيا د كشميري اولس مسئلې حل كړي۔
