اسلام آباد ۔ 9 جون(اے پی پی) د وزيراعظم د خارجه چارو سلاحكار سرتاج عزيز وئيلي دي هندي رياستي اېكټران بلوچستان ٬ قبائلي سيمو او كراچۍ كښې په اړي ګړي راپېدا كولو كښې ككړ دي۔ د زيارت په ورځ خارجه دفتر كښې د خبري كنفرنس په مهال بلوچستان كښې د نيولي شوي هندي را ايجنټ سپارلو په اړه د يوې پوښتنې په ځواب ده ووئيل هند زمونږ د غېر رياستي اېكټرانو خبره كوي ولې مونږ د هند د رياستي اېكټرانو خبره كوؤ څوك چې بلوچستان ٬ قبائلي سيمو او كراچۍ كښې تخربيي كاروايو كښې ككړ دي۔ سرتاج عزیز ووئيل د کل بھوشن یادیو نيولو څخه پس پاكستان نړيواله ورورولي د هند سپانسر هڅو څخه خبر كړې ده ۔ ده ووئيل راروانو اونيو كښې به پاكستان ملګرو ملتونو او پي فائيو هېوادونو سره نور معلومات ګډ كړي۔ سرتاج عزیز ووئيل پټھانکوټ بريد كښې د پاكستان نه لاس نه لرلو په اړه د هند بيان يو ښه پېشرفت دے۔
