اسلام آباد 06 جون (اے پی پی) د سېنېټ لويې باكسر محمد علي خدماتو ته د پیرزوئنو وړاندې كولو قرارداد منظور كړې دې ۔د ګل په ورځ د سېنېټ غونډه كښې د حكومتي ډلې مشر سناتور راجه ظفرالحق قرارداد وړاندې كولو سره ووئيل د پاكستان سېنېټ د باكسنګ چيمپئين او د بشري حقونو نوموړي كاركن محمد علي ته د عقيدت پیرزوئنې وړاندې كوي چا چې د باكسنګ په مېدان كښې د يو رول ماډل په حېثيت ژوند تېر كړی۔ده ووئيل د هغه لويه كاميابي ده وه چې هغه د غېر متزلزل اعتقاد سره غېر منصفانه جنګ په ضد ولاړ وو۔قرارداد كښې دعا شوې چې لويې څښتن دې ارواښاد له د خپل رحم په پلو كښې ځاې او غم جنې كورنۍ له د زغم توفيق وركړي۔قرارداد ټولو ګوندونو په اتفاق وړاندې كړی وو۔د دې نه پس د حكومتي ډلې مشر راجه ظفرالحق د محمد علي لپاره فاتحه خواني وكړه۔سناتور مشاهد حسېن هم محمد علي ته پیرزوئنې وړاندې كولو سره ووئيل هغه زمونږ د ټولو اتل وو۔
