اسلام آباد ۔ 10 جون (اے پی پی) د كورنيو چارو او دنشائي توكو مخنيوي وفاقي وزير چوهدري نثار علي خان د تېرو 6 مياشتو په مهال د 3.985 ار به روپو نشائي توكو په نيولو د نشائي توكو مخنيوي فورس كاركردګي ستائلو سره وئيلي دي د نشائي توكو مخنيوي ادارې په حېث د اے اېن اېف په سيمه ايزه او نړيواله كچه اعتراف د اطمينان وړ كار دے۔ دا خبره ده د جمعې په ورځ د اے اېن اېف ډي جي مېجر جنرال ناصر دلاور شاه سره ملاقات كښې وكړه۔ په دې مهال داخله وزير ته د ادارې د 6 مياشتو كاركردګۍ راپور وړاندې كړې شو۔ اے اېن اېف تر جون 2016ء د كړې كاروايو په نتيجه كښې 50 ټنه نشائي توكي خپله ولقه كښې اخستې دي۔ په دې كښې 2.23 ټن هیروئن، 33.24 ټن چرس ، 7.7 ټن افیون، 1.44 ټن مارفین، 1.62 کلو ګرام قوقین، 931.8 کلو ګرام ایمفیټا مائن، 6.08 کلو ګرام میتھام فیټا مائن، 790 ایکسټیسی ټېبلټس او 28550 زینکس ټېبلټس شامل دي۔ په دې موده كښې 426 کېسونه درج كړې شو او 506 مجرمان نيولې شوې۔ دا خبره دې ښكاره وي چې په اپریل 2016ء كښې د نشائي توكو مخنيوي خاص مهم پېل شوے ؤ۔ اے اېن اېف په ټول پاكستان كښې 136 آپرېشنز كړې چې په نتيجه كښې ئې 155 ډرګ سپلائرز او 19 ګاډي نيولې شوې۔
