اسلام آباد 05 مئي(اے پي پي) د مذهبي چارو وزارت د سركاري سكيم حج له مخې د 69 زره 543 خوش نصيبو نامې اعلان كړې دې ٬ پنجاب څخه3۔ 44 فيصده٬ خېبرپښتونخوا څخه 22.6 فيصده٬ سندھ څخه 20.08 فيصده او بلوچستان څخه 5.05 فيصده كسان كامياب شوي ٬ سږ كال د 2 لكه 80 نه زيات درخواستونه ترلاسه شوي دې٬ د عدالتي معاملې په سوب دا قرعه اندازي ځنډولې شوه وه۔ مذهبي چارو وفاقي وزير سردار محمد يوسف د زيارت په ورځ د حج قرعه اندازې نه پس خپلو خبرو كښې ووئيل سږ كال به د سركاري سكيم له مخې 60 فيصده او د شخصي سكيم له مخې 40 فيصده وګړي د حج فريضه ترسره كوي۔ده ووئيل د سترې محكمې د امر له مخې 71 زره 689 به د سركاري سكيم او هم دومره به د شخصي سكيم له مخې حج ادا كوي
